मिसळीची मेजवानी
कोल्हापूरचं जसं झुणका-खर्डा-भाकरी, तांबडा-पांढरा रस्सा, मटण, चिकन जगप्रसिद्ध; तशीच मिसळ सुद्धा. आणि हो, आपल्या ओपल मध्ये आम्ही हीच अस्सल कोल्हापुरी मिसळ सकाळी नाष्ट्याला देतोय गेली अनेक वर्षे. म्हणजे मिसळीची अस्सल चव चाखण्यासाठी तुम्हाला इतरत्र जाण्याची गरजच नाही.
मिसळ म्हणजे कोल्हापूरच्या चवदार खाद्य संस्कृतीचा एक अविभाज्य घटक. तुम्हाला आश्चर्य वाटेल पण फक्त मिसळीचं जेवण करतात अनेक कोल्हापूरकर. कारण मिसळीसमोर इतर सगळेच पदार्थ चवीला जरा दुय्यमच. पैज लावून मिसळ खाण्याचे खवय्यांचे 'प्रोग्राम' कोल्हापुरात वरचेवर ठरत असतात.
एकदा मिसळ समोर आली की तुम्ही केव्हा मिसळाधिन होता ते तुम्हाला समजत देखील नाही... कारण पहिल्या घासालाच 'ती' तुमचं मन जिंकते. मिसळीचा कट आणि पातळ भाजी ही दोन संपूर्णतः वेगळी वैशिष्ट्य तुम्हाला फक्त इथंच पहायला अन चाखायला मिळतील. नुसतंच पुढ्यात आलं आणि खाऊन झालं, हे मिसळीच्या बाबतीत होत नाही; होऊ नये.
आम्ही पण काय नुसत्याच गप्पा मारतोय मिसळीबद्दल? जशी तुम्हाला आवड चवीनं खाण्याची, तशीच आम्हाला भर-भरून देण्याची. या बघू एकदा ओपल ला रहायला, मस्त कोल्हापुरी मिसळ खायला, अस्सल गावरान चव चाखायला.
खरंतर तुम्ही तर जातीवंत पर्यटक. सतत देशाटन करणारे. कोकणात मासळीची आणि कोल्हापुरात मिसळीची महती तुम्हाला सांगायला हो कशाला पाहिजे?
कोल्हापुरी कटवडा
कोल्हापुरी कटवड्याचा नाद करायचा नाही. हा खरंतर आपल्या आवडत्या कोल्हापुरी मिसळीचा सख्खा भाऊ. पण जरा दुर्लक्षित राहिलेला. त्यामुळं कटवड्याची खासियत, चव, चरचरीतपणा याबद्दल जास्ती काही लिहीत नाही आता इथे. ते सगळं मिसळीप्रमाणेच आहे.